المظاهر مش كل حاجه

[center]بسم الله الرحمن الرحيم
[b]من الغريب جدا هو ان اى شىء عاوزيين نعبر عنه بقى عن طريق المظهر مع ان ده كتير بيشوفه طبيعى الا ان من رايي ان ده جديد علينا
فمثلا التدين مش معناه اللحية او البنطلون القصير
او مثلا جمال البنت مش باللبس الضيق او بالمكياج
حاجات غريبة جدا ظهرت علينا وللاسف البيوت فى حالة من التاقلم معاها وده بقى اللى بجد مش عادى ولا طبيعى
ناخد بقى الموضوع نقطة نقطة:

1. اولا اللبس

بالنسبة للبنات وكانها بتلبس الحجاب علشان قالولها تلبسه فين الاقتناع
على ما اذكر سمعت حوار بين اتنين كان واحد بيسال واحدة لبستى الحجاب ليه قالتله اصلى قالولى انى بقيت فى 3 اعدادى يعنى معدتش ينفع امشى بشعرى كده فين الدين معنى كده ان الوعى ضعيف
لا وفى بقى الاغرب من ده المفاجاة بجد اللى علشان بنتها تتجوز عينى على اللبس اللى بتجيبه لبنتها وطبعا قصدى من الكلام مفهوم بس الغريبة هو عدم اعتراض الاب وابدائه موافقته على لبس بنته وعادى وكان ده العادىاو ان بنته لبسها عادى خالص
الشباب بقى
سلاسل وبناطيل ساقطه وحظاظات وكان الرجل بقاله حلية بتظهر جماله

1. ثانيا السلوك
   

البنات الضحك والهزار والضحك بصوت عالى وعادى فين الكسوف والخجل مفيش لا وفى بقى حاجه والله بجد ما اظن انها ظهرت فى اى عصر المعاكسات الحريمى بنات بتعاكس ولاد لما البنت تعمل كده يبقى المفروض الولد يعمل ايه؟ ولا البيت ده شكله ايه؟
وعلى فكرة بيبقى لبسهم محترم وشكلهم بنات ناس جدا الا ان سلوكهم او تصرفاتهم شاذة عن العادى بتاع البنات
الولاد بقى حالة من الفوظة والجوجائية سادة بينهم يعنى بجد ممكن يتقال ان اللى طايل حاجه بيعملها معاكسات فى الفاظ خارجه للبنات فى الشارع فى تحرش فى
ما اظنش ان المظهر بيفرق ففى مربى لحيته وبيمشى يبص على اجسام البنات وفى بنات لبسها مش محتشم لكن اخلاقهم كويسة
وعموما لا عمر كان ده مجتمعنا ولا دى ملامحنا ولا د اخلاقنا وتصرفاتنا
وشكرا الصعيدى